Als unser langjähriger Hafenmeister Wilfried Schröder im Jahr 2004 sein Amt aufgegeben hat und sein Nachfolger Alfred Golz gewählt worden war, kamen einige ältere Mitglieder auf die Idee, sich wöchentlich einmal zu einer Plauderstunde zu treffen. Mittlerweile treffen sich aktive und passive Mitglieder im Alter zwischen 62 und 87 Jahren regelmässig.

Jo, so weer un is dat. Bit op dree Mann, wi tellt unsen oolen Kollegen ut Überlingen an Bodensee mit dorto, wieldat he sommerdags jümmer noch sien hooget Öller hier an`e Elv seil`n deit, sünd wi all mit uns feine oole Muddersprook, uns Platt,opwussen. Sommerdags sitt wi bi Kaffee und Koken,welkmol sogor,wenn jichtensen Geburtsdag hatt hett, bi groote Tortenstücken mit Slackermaschü in uns hochliggen Clubhuus, wo wi wiet öber de Elv kieken könnt.
Winterdags droopt wi uns denn bi uns Mitglied, unsen Koopmann Helmut Funck,in Dörp.
Bevör wi dat Quarteer wesseln doot, warrt uns Sommertiet mit`n deftigen Swienshacken eten to Enn bröcht.
Dat Snacken un Vertellen geiht dweerbeet: De Kopteins vertellt von jümme Beleevnisse ut de Seefohrt. De een un anner weet wat Nieges ut`n Dorp. Öber Geschichten ut oole Tieden- Heimat-un Familjengeschichten warrt diskorteert. Un dat is mol kloor, de lütje un groote Politik blifft ok nich buten vör. Dorbi löppt de Tiet jümmers so gau ,dat jeedeen sick dennwu nnern deit, wenn de Klock al weller op söß toloopen deit. Wi sünd uns alltohop eenig,dat nüms den Dingsdagnomiddag missen müch.
So, un nu noch mol eben to uns poor Hochdüütschen: De hefft von Anfang an jümme Ohrengoot spitzt un verstoht middewiel ok all`ns wat snackt warrt.

Ein Bericht von Gerd Bahr (Gründungsmitglied)